देव, दर्शन आणि ती

तुझे चौसोपी घर, समोर देव येऊन वसला
काय म्हणावं ह्याला, हा योगायोग कसला

कुणी म्हणालं जागृत आहे देवस्थान
तुझ्या विचारात, बोनस जाहीर करून टाकला

आईनं न सांगताच जातो देवळात आता
बऱ्याचदा दर्शन झाल्यावर, विश्वास बसला

बरंय तू होतीस आज मंदिरातच
बोलायचा होता नवस, आज अनायासे देव भेटला

तुझा गुलाब, मोगरा, रेंगाळलेला रातराणीच बहर
तू न्हवतिस आज, देवळासमोरचा भिकारी दिसला

घाईत असतांना मी धरतो सरळ दुसरा रस्ता
तुझ्या दाराशी घुटमळतो तो short cut कसला


प्रमोद (५ फेब्रुवारी २०१६)