डिमॉनेटायझेशन

ऑफिसात जातांना तुला बाय म्हणायला स्वयंपाकघरात आल्यावर
तू दिसायचीस पाठमोरी
वाटायचं तुला एक मिठी मारावी, एक निरोपाचं चुंबन

पण तू सुद्धा असायचीस घाईत आणि मी थिजलेला
कारण मनगटावरचं घड्याळ होऊन जायचं मणाचं

ऑफिसमध्ये पोहोचल्यावर काढायचो piggy bank ज्याच्यात ठेवून द्यायचो ती चुंबनं आणि मिठ्या
कधी कधी बँक उपडी करून मोजत बसायचो माझी श्रीमंती

परवा, मन कि बात मधे डिमॉनेटायझेशन झालं
बँकेतले कष्टानं कमावलेले माझेच पैसे जेव्हा काढणं मुश्किल होऊन बसलं तेव्हा लगेच.....

लगेच रजा टाकली आठवड्याची, बुक करून टाकलं हॉटेल निसर्गरम्य ठिकाणी
बुकिंगसाठी online व्यवहाराच्या टिप्पणीमधे लिहिलं .......

'to_empty_piggy_bank'......


प्रमोद (३० मे २०१५)