ओंडक्यासारखा आपटला जमिनीवर
काळजात चर्रर्र झालं
जेव्हा त्याचं डोकं आपटलं
भाकड होती ती वेदना
तो आधीच मेलेला होता
गोळी मेंदूत शिरतानाच
गोळीचा वेग
माझ्या सहवेदनेच्या वेगापेक्षा
होता
कितीक पटीने जास्त
तो आपटला
त्याक्षणी
मी होतो
एक प्रेक्षक फक्त
चिकन ६५ खाणारा
चिकन ६५ च्या गाड्यावरचा
उघडाबंब माणूस
भल्या मोठ्या कढईत
तळत होता
नुकत्याच मेलेल्या माणसाचा
लेग पीस
प्रमोद
१७ सप्टेंबर २०२०
No comments:
Post a Comment