टाईम ट्रॅव्हल करून
मी भविष्यकाळात गेलो
मला
भविष्यकाळात लिहिलेली
माझी एखादी
कविता हवी होती
मला वाटलं
ती आजची म्हणून खपवली तर
कालातीत वगैरे वाटेल
आज किंवा भविष्यात वगैरे
पोहोचलो भविष्यकाळात
तर सगळं जग संपून गेलेलं
मागे उरलेल्या
कचऱ्याच्या ढिगात शोधली कविता
आधी माझी
मग कुणाचीही
वाटलं कुणाला कळणार आहे
पण सापडली नाही
एकही कविता
पण,
अगदी निघताना
दिसला
(Sustainability) शाश्वततेचा पुरस्कर्ता असल्याने
मी अनेक दिवस वापरलेला
भणंग झालेला
(Sustainable) शाश्वत!
माझा टूथब्रश
प्रमोद
१७ सप्टेंबर २०२४
No comments:
Post a Comment